ექსკლუზივი

წარმოუდგენელია, ადამიანი ზიარებით დაინფიცირდეს. ზიარება არის საკურნებელი, წამალი-ეს არ არის პირველი მცდელობა ეკლესიაზე შეტევის

„ეს არ არის პირველი მცდელობა ეკლესიაზე შეტევის. დიახ, ის, რაც ხდება ეკლესიასთან დაკავშირებით, არის ეკლესიაზე შეტევა. ამ ყველა მოწოდებას ეკლესიის საწინააღმდეგოდ, აქვს მიუწვდომელი მიზანი. მე ვნახე, როგორი მოწესრიგებულია მრევლი საქართველოში. წარმოუდგენელია, ადამიანი ზიარებით დაინფიცირდეს. ზიარება არის საკურნებელი, წამალი, როგორ შეიძლება წამალმა მოგწამლოს.

ადამიანები ტაძარში უნდა მივიდნენ. აღდგომას მრევლს ტაძარში მისვლას ვერ აუკრძალავ. როგორ ფიქრობთ, კორონავირუსის გამო მრევლი უარს იტყვის რწმენაზე? აბო ტფილელი გაიხსენეთ, რამდენი აწამეს და რწმენაზე უარი  ვერ ათქმევინეს. მორწმუნე ადამიანს ვირუსი შეაშინებს? მორწმუნე ადამიანს ქრისტეს სიყვარულზე უარს ვერავინ ათქმევინებს“ – განაცხადა გიორგი ხაინდრავამ.

წყარო: “მედიაცენტრი მთავარი”

შეგახსნებთ რომ

დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, თუ მომდევნო დღეებში მოწოდებები მკაცრად იქნება დაცული, რჩება შანსი იმისა, რომ ცუდი სცენარები არ გამართლდეს. ამის შესახებ იმნაძემ საქართველოს პირველი არხის საინფორმაციო გამოშვება „მოამბის“ ეთერში განაცხადა.

მისივე თქმით, დღემდე არსებობდა დინამიკა, რომელიც იძლევა იმის საშუალებას, რომ შედარებით ნაკლები დანაკარგებით გამოვიდეთ.

„აქ საუბარია არა მხოლოდ ეკონომიკურ დანაკარგებზე, აქ საუბარია ადამიანების სიცოცხლეზე, ნაკლები ადამიანის სიცოცხლის ხარჯზე გავუძვრებით ამ ეპიდემიას, თუ არა მოგველის ის, რაც იყო იტალიაში, ვეღარ დავითვლით საქართველოში კუბოებს, ეს გვინდა? დავრჩეთ სახლში.

ქვეყანაში არის ფართო შიდა გადაცემა დაწყებული. ეს რას ნიშნავს – ეს ნიშნავს, რომ დღეს ჩვენს გვერდით არიან ინფიცირებული ადამიანები, რომლებმაც არ იციან, რომ არიან ინფიცირებულები, ისინი გადამდები ხდებიან უკვე სიმპტომების დაწყებამდე ერთი დღით ადრე. ანუ შეიძლება იმ დღეს არაფერი ჰქონდეს. როდესაც მცირედ გამოხატული სიმპტომები აქვთ, უკვე გადამდები არიან. ასეთები დღეს ჩვენს გარშემო არიან. ჩვენ არ ვიცით ისინი ვინ არიან, ამიტომ ვამბობთ ამდენი ხანია, რომ შიდა გადაცემა დაიწყო. ყველა ეს ღონისძიება რატომ ტარდება, რადგან შიდა გადაცემა უკვე დაიწყო. გავიგოთ ეს, რომ ჩვენ გარშემო არიან ინფიცირებული ადამიანები, რომლებმაც არ იციაა, რომ არიან ინფიცირებულები. ისინი მოვლენ თქვენთან სტუმრად და თქვენ გაგხდიან ყველას ავად. ისინი მივლენ ეკლესიაში და გახდიან იქ ყველას ავად. გავიგოთ ეს“,- განაცხადა იმნაძემ.მსგავსი: პაატა იმნაძე – თუ გინდათ, რომ ეკლესია გადარჩეს, ეკლესიაში ნუ წახვალთ, თუ არ დავრჩებით სახლში, ვერ გადავრჩებით

კითხვაზე, ხელისუფლებას ურჩევს თუ არა, რომ ქვეყანაში საყოველთაო კარანტინი გამოცხადდეს, პაატა იმნაძემ აღნიშნა:

„თუ ხალხს არ ესმის ის, რომ სახლში უნდა იყვნენ, იძულებულები გავხდებით. ეს ხომ ნორმალურია, მთელმა დასავლეთ ევროპამ ხომ გააკეთა ეს არა? სახლიდან გამოსვლას უკრძალავდნენ ადამიანებს, ეს გვინდა საქართველოშიც, იძულებული ვხდებით ეს ვურჩიოთ ხელისუფლებას“.

როგორც პაატა იმნაძემ აღნიშნა, ყველა უნდა დარჩეს სახლში, დღეს მეტი გამოსავალი არ არის.

„ჩემი, როგორც პაატა იმნაძის, ერთი უბრალო ექიმის მოწოდება ყველასადმი, თუ გვინდა, რომ ცოცხლები გადავრჩეთ, სახლში დარჩით. მეტი გამოსავალი არ არის, თუ გინდათ, რომ ჩვენი ერი გადარჩეს, თუ გინდათ, რომ ეკლესია გადარჩეს, ნუ წახვალთ ეკლესიაში“, – განაცხადა პაატა იმნაძემ.

მსგავსი სიახლეები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Back to top button
Close
Close