ექსკლუზივი

“შვილი სკოლიდან დაბრუნდა და სახლი დაკეტილი დახვდა, ბიძას დაურეკა, კარი ძალით შეამტვრიეს და შემზარავი სურათი დაინახეს…”- ვაზიანის ტრაგედიის ახალი დეტალები

ვაზიანის სამხედრო დასახლებაში მომხდარი მკვლელობის შესახებ, ახალი დეტალები გახდა ცნობილი. “კურიერის” ინფორმაციით, ახალგაზრდა მამაკაცმა ცოლს და სიდედრს სასიკვდილო ჭრილობები ყელის არეში ცივი იარაღით მიაყენა.

მეზობლები ყვებიან, რომ ოჯახი არაკონფლიქტური იყო და მათთვის გაურკვეველია, რატომ ჩაიდინა მამაკაცმა დანაშაული. მათივე თქმით, შემთხვევის შესახებ მას შემდეგ შეიტყვეს, რაც გარდაცვლილი ცოლ-ქმრის მცირეწლოვანი შვილი სკოლიდან დაბრუნდა, სახლის კარი დაკეტილი დახვდა და დასახმარებლად ბიძას დაურეკა, რის შემდეგაც, ბინის კარი უკვე ძალის გამოყენებით შეამტვრიეს და სახლში სამი გარდაცვლილი დახვდათ.

გავრცელებული ინფორმაციით, მამაკაცმა ჯერ მეუღლე მოკლა, შემდეგ სიდედრი და ბოლოს სიცოცხლე თვითმკვლელობით დაასრულა.

“ხმაური არ გამიგია, წყნარი ოჯახი იყო, ბავში სავარაუდოდ სკოლაში იყო, როცა დაბრუნდა კარი დაკეტილი დახვდა, ნათესავებს დაურეკეს და კარი შეამტვრიეს” – ყვება მეზობელი.

სამართალდამცველები   შემთხვევის ადგილზე ამ დრომდე მუშაობენ. სამი გარდაცვლილის ცხედარი პროზექტურაში უკვე გადაასვენეს. 

Related Articles

Back to top button