„ლოცვას აღვავლენთ დაღუპულთათვის და დაკარგულთა გადასარჩენად“ – პაპის სადესპანო შოვზე
პაპის სამოციქულო ნუნციატურა საქართველოში განცხადებას ავრცელებს და შოვში სტიქიის შედეგად დაღუპულების გამო მწუხარებას გამოთქვამს.
“საქართველოში წმინდა საყდრის ნუნციო გლოვობს და შოვის რაიონში სტიქიის შედეგად ადამიანების დაღუპვის გამო სამძიმარს გამოხატავს. აღვავლენთ ჩვენ ლოცვას დაღუპულთათვის, დაშავებულებისთვის და დაკარგულთა გადასარჩენად”, – წერია პაპის სადესპანოს განცხადებაში.შოვში მეწყერი 3 აგვისტოს ჩამოწვა. ამ დროისთვის არსებული ოფიციალური ინფორმაციით, სტიქიას 17 ადამიანი ემსხვერპლა, 19 ადამიანს კი ამ დრომდე ეძებენ. ადგილზე სამძებრო სამუშაოები მთელი ღამის განმავლობაში გაგრძელდება.მასალის გამოყენების პირობები
