ძალიან მძიმე მდგომარეობა იყო…“ – რატომ ცხოვრობს დედის გარეშე ლუკა შუბითიძე
ძალიან მძიმე მდგომარეობა იყო…“ – რატომ ცხოვრობს დედის გარეშე ლუკა შუბითიძე
გურული ბიჭუნა, ლუკა შუბითიძე პოპულარული ნანუკა ჟორჟოლიანის შოუში მონაწილეობით გახდა – 9 წლის ბიჭის დედა, თამთა გიორგაძე ჟურნალ „თბილისელებს“ ესაუბრება:
„უზომოდ ბედნიერი ვარ, რომ 9 წლის ასაკში ჩემს შვილს მთელი ქვეყანა იცნობს. ამ მხრივ დიდი ცვლილება მოხდა ჩვენს ცხოვრებაში, თუმცა უცვლელია ის, რომ ჩვენ ისევ ხელმოკლედ ვცხოვრობთ. ახლა თბილისში ჩამოვედი სამსახურის საძიებლად.
შვილების დატოვება კიდევ ერთხელ მომიწია. აქამდე ქუთაისში ვმუშაობდი და ბავშვის გადაღებებისთვისაც კი ვერ ვახერხებდი ჩამოსვლას, უფროსი ამის უფლებას არ მაძლევდა. ამიტომ გადავწყვიტე, თბილისში გადმოვსულიყავი და როცა ლუკა აქ ჩამოვა გადაღებებზე, მის გვერდით ვიქნები. მე ლუკას გარდა კიდევ ორი შვილი მყავს, ლუკას ტყუპისცალი გოგონა და უფროსი ბიჭი, რომელიც 11 წლისაა. ბავშვები ძალიან განიცდიან, ერთად რომ არ ვართ, მაგრამ ამ ეტაპზე ასეა საჭირო და იმედია, მალე ყველაფერი სასიკეთოდ შეიცვლება…“
როგორც ლუკას დედა ამბობს, როდესაც მისი ვაჟი დაიბადა, ფილტვის შეშუპება ჰქონდა, რამაც ტვინისა დ გულის შეშუპება გამოიწვია.
„ძალიან მძიმე მდგომარეობა იყო. მინდა, მის მკურნალ ექიმს, ნინო ჯაჯანიძეს ძალიან დიდი მადლობა გადავუხადო, მისი დამსახურებაა, ლუკა რომ დღეს ცოცხალია. ძალიან დიდი რისკის ქვეშ იყო, მაგრამ გადარჩა…“, – ამბობს თამთა გიორგაძე.
