თელავში ავტოსაგზაო შემთხვევას ახალგაზრდა კაცი ემსხვერპლა. შემთხვევა გვიან ღამით სოფელ კურდღელაურში მოხდა.
გავრცელებული ინფორმაციით, მსუბუქი ავტომანქანა, რომელშიც ორი მგზავრი იმყოფებოდა, ხევში გადავარდა. შემთხვევის შედეგად ერთი პირი ადგილზე დაიღუპა, მეორე კი დაშავდა.
ექიმების განმარტებით, დაშავებულის ჯანმრთელობის მდგომარეობა, სტაბილურია.
გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
