სოციალური აფეთქება ქევყანაში -„გვშია დღეს, დაგვიჯერეთ, რომ გვშია“-მედიკოსების პროტესტი და უმძიმესი კადრები
„გვშია დღეს, დაგვიჯერეთ, რომ გვშია“
პროტესტი ადმინისტრაციულ შენობაში, მედიკოსების ხელფასების მომატებას ითხოვენ
მაური საგანგებო სიტუაციების და გადაუდებელი დახმარების ცენტრში – ექიმებს და სასწრაფოს მძღოლებს კარი ჩაუკეტეს და სამსახურში არ უშვებენ.
როგორც აქციის მონაწილეები ამბობენ, მას შემდეგ, რაც აქციის რამდენიმე მონაწილემ შენობა დატოვა, მათ შესვლის უფლებას აღარ აძლევენ.
აქციის მონაწილეები მთავარ ოფისში აქციებს რამდენიმე დღეა, რაც მართავენ და ანაზღაურების მატებას მოითხოვენ.
ადგილზე მობილიზებულია პოლიციაც, შიდა ტერიტორიას კი კერძო დაცვის წარმომადგენლები იცავენ.
აქციის მონაწილეები შესასვლელ კარს მუშტებს ურტყამენ და სკანდირებენ: „გამოდით“, „კარი გააღეთ!“.
„გვაქვს უწყვეტი აქცია, მე-6 დღეა დღეს. გუშინ გავათენე აქ ღამე, გამოვედი 1 საათით. ვიღაც გაურკვეველი ადამიანები დგანან, არ გვიშვებენ. არ გვეუბნებიან ვინ არიან, სახელებს და გვარებს არ ამბობენ, არც საბუთებს გვაჩვენებენ. იქ ჩვენი თანამშრომლები არიან, სასწრაფოს ექიმები და მძღოლები შიგნით და ასეთ გაურკვეველ სიტუაციაში ვართ. რატომ არ გვიშვებენ, ძალიან გვაინტერესებს. ახლა პოლიციასაც ველოდებით, რომ იქნებ რაღაც გარკვეული ზომები მიიღონ, რომ ჩვენი პროტესტი უზრუნველყონ“, – აცხადებს ერთ-ერთი დასაქმებული.
ჯანდაცვის სამინისტროს გადაწყვეტილებით, იანვრის თვიდან სასწრაფო-სამედიცინო დახმარების მუშაკებს ანაზღაურება 100 ლარით გაეზარდათ, თუმცა აქციის მონაწილეები ამბობენ, რომ ქვეყანაში არსებული ეკონომიკური ვითარებიდან გამომდინარე, ეს თანხა მიზერულია.
