სასწრაფოდ-“დაუწესდეს სანქციები ივანიშვილს” – ევროპარლამენტმა დაამტკიცა რეზოლუცია
577 მომხრე, 33 მოწინააღმდეგი – ევროპის პარლამენტმა დაამტკიცა რეზოლუცია, რომლითაც ბოლო სამი თვის განმავლობაში უკვე მეორედ უწოდა ბიძინა ივანიშვილს “ოლიგარქი” და მოითხოვა მისთვის სანქციების დაწესება.
ევროპარლამენტი “კვლავ მოუწოდებს საქართველოს ხელისუფლებას, გაანთავისუფლოს მიხეილ სააკაშვილი და მისცეს მას უცხოეთში მკურნალობის გაგრძელების შესაძლებლობა, ჰუმანიტარულ საფუძველზე და პოლიტიკური პოლარიზაციის შესამცირებლად” – ნათქვამია რეზოლუციაში, რომელიც დეპუტატებმა რამდენიმე წუთის წინ დაამტკიცეს.
ისინი მოუწოდებენ საქართველოს პრეზიდენტს, სალომე ზურაბიშვილს, შეიწყალოს სააკაშვილი. დოკუმენტის თანახმად, ეს აუცილებელია, რათა “ევროპული რეფორმების ჩატარება” კვლავ გახდეს პოლიტიკური დღის წესრიგის მთავარი თემა.
ხელისუფლებას შეახსენებენ, რომ სააკაშვილთან “მოპყრობა ლაკმუსის ტესტია იმის შესამოწმებლად, თუ რამდენად ერთგულია საქართველოს ხელისუფლება ევროპული ღირებულებების და ევროპისკენ მის მიერ გაცხადებული სწრაფვის. მათ შორის, ევროკავშირის კანდიდატის სტატუსის მიღების”.
ევროპარლამენტარებმა ასევე მხარი დაუჭირეს შესწორებასაც (362 მომხრე, 121 მოწინააღმდეგე, 151-მა თავი შეიკავა), რომლითაც კვლავ უწოდეს ბიძინა ივანიშვილს “ოლიგარქი” და სააკაშვილის პატიმრობა “მის პერსონალურ ვენდეტად” მოიხსენიეს.
დეპუტატები მოუწოდებენ ევროპულ საბჭოს, განიხილოს “ოლიგარქ ბიძინა ივანიშვილისთვის” სანქციების დაწესება, რადგან მას “პერსონალური წვლილი” მიუძღვის იმაში, რომ “საქართველოში დემოკრატია სუსტდება”.
“ოლიგარქის პერსონალური ვენდეტა” – ევროპარლამენტი სააკაშვილზე რეზოლუციას ამზადებს
მსგავსი რეზოლუცია, რომელშიც ევროპარლამენტი ასევე მოუწოდებდა ბრიუსელს ივანიშვილისთვის სანქციების დაწესებისკენ, ევროპის პარლამენტმა 2022 წლის 14 დეკემბერსაც დაამტკიცა.
მასალა განახლდება
