რა დღეა დღეს? – იკითხა მიწისძვრიდან 228 საათის შემდეგ ნანგრევებიდან ორ შვილთან ერთად ამოყვანილმა დედამ
ამის შესახებ საინფორმაციო სააგენტო „ანადოლუ” იუწყება.
ჰათაის პროვინციაში, „საუკუნის კატასტროფად” წოდებული კაჰრამანმარაშის მიწისძვრიდან 228 საათის შემდეგ, მაშველებმა ნანგრევებიდან დედა ორ შვილთან ერთად ამოიყვანეს.
ერთ-ერთი მაშველის, მეჰმეტ ერილმაზის თქმით, მათ ხმა შემოესმათ და გარკვეული სამუშაოების ჩატარების შემდეგ ქალი დაინახეს.
„მან პირველ რიგში წყალი გვთხოვა. სამედიცინო ბრიგადის მოსვლამდე არაფერი არ მივეცით. „რა დღეა დღეს?” – იკითხა მან და მე ვუპასუხე. მითხრა, რომ მას ელა ჰქვია. ბავშვების სახელებიც მითხრა, მაგრამ დამავიწყდა. ერთი გოგო იყო და მეორე ბიჭი”, – თქვა ერილმაზმა.
ექიმმა, რომელმაც ბავშვები და დედა გასინჯა, თქვა, რომ „ბავშვების ჯანმრთელობის მდგომარეობა ზოგადად კარგი ჩანდა. დედას არ უჭირდა ლაპარაკი და ახერხებდა სიტყვიერად გაეცა პასუხი შეკითხვებზე. ბავშვებს უწყლობის გამო პატარა პრობლემები აქვთ, მაგრამ მჯერა, რომ ჩარევის შედეგად მდგომარეობა გაუმჯობესდება”.
„ადანოლუს” ინფორმაციით, ბავშვები სასწრაფო დახმარების ვერტმფრენით ადანაში გადაიყვანეს
