რუსეთის პრეზიდენტმა ვლადიმირ პუტინმა საზღვარგარეთ მცხოვრები რუსულენოვანი მოსახლეობის უფლებების დასაცავად ახალი კონცეფცია დაამტკიცა. კონცეფციაში აღნიშნულია, რომ ლატვიასთან, ლიეტუვასთან, ესტონეთთან, საქართველოსა და მოლდოვასთან ურთიერთობისას გათვალისწინებული იქნება ამ ქვეყნებში რუსულენოვანი მოსახლეობის უფლებების დაცვა. ამავე დოკუმენტის მიხედვით, მოსკოვის ჰუმანიტარული პოლიტიკის პრიორიტეტი საზღვარგარეთ, დსთ-ის ქვეყნებთან და ოკუპირებულ აფხაზეთთან, ცხინვალის რეგიონთან, დონეცკისა და ლუგანსკის ე.წ. სახალხო რესპუბლიკებთან თანამშრომლობის გაფართოება იქნება. რა საფრთხის წინაშე აყენებს საქართველოს პუტინის ახალი კონცეფცია, ამის შესახებ უსაფრთხოების საკითხების ექსპერტი ხათუნა ლაგაზიძე გვესაუბრება:
– შეიძლება ითქვას, ეს საქართველოს მშვიდობიანი ოკუპაციის დაანონსებაა, თუმცა ახალი არაფერია. უკვე დიდი ხანია, სხვა ქვეყნის ტერიტორიაზე რუსეთის მოქალაქეების დაცვა პუტინის იმპერიის გაფართოების ხედვის შემადგენელი ნაწილია. უბრალოდ, ახლა არეალი გააფართოვა, რუსეთის მოქალაქეები აღარ იკმარა და მთლიანად რუსულენოვანი მოსახლეობის დაცვის უფლება მისცა საკუთარ თავს. მით უფრო იმ ქვეყნებში, რომლებიც ახალ კონცეფციაშია მოხსენიებული. ფაქტობრივად, პუტინმა მოხაზა ყოფილი პოსტსაბჭოთა ქვეყნები, რომელთა ერთობლიობითაც რუსული იმპერიის აღდგენას აპირებს. როდესაც პუტინი საუბრობს რუსეთის მოქალაქეების თუ რუსულენოვანი მოსახლეობის დაცვაზე, ის პირდაპირ სამხედრო ოპერაციასაც გულისხმობს.
, შეიძლება ქართველბმა მოითმონონ სიღარებე გაჭივრება მაგრამ, საქართვლოს დამოუკიდბლობას თუ ვინმე შეხება და ეს დღე თუ დადგება ქვეყანაში სიტუაცია იქნება უმართავიის ქვეყნიდან ვერ გააღწევს!! ყველას გახსოვთ გავრილოვის ჩამოყვანას აქართვლოში რაც მოხდა , საქართველო რუსეთს არ დაუბრუნდება ეს გამორიცხულია და ამას ვინც მოინდომებს ისტორის შავ ფურცელში შევა როგორც საქართველოს მოღალტე და ბევრი გყავს ასეთი ისტორ თუ გადავხედავთ.
